محَمّد » عام

Obama Free Homaidan | أوباما أطلق حميدان

مَحَمّد — Wed, 01 Sep 2010 15:20:46 +0000

فلم قصير من ابداع اخي وصديقي وحبيبي المهند الكدم من عنوانه يتضح محتواه .. فكرة واخراج وتنفيذ وكل حاجة فوق الاحتراف …والاهم من ده كلو الهدف اللي طلع عشانه الفيديو ده…ربنا يفك اسرك يا حميدان ويرجعك لاهلك سالم غانم

حبيت اشارك من ناحيتي في نشر الفلم ده …اقل حاجة ممكن اعملها الصراحة

رابط الفيديو

رابط لمقال عن الفلم على قناة العربية

صراحة اخر حاجة اثرت فيا بجد اخر لقطة لبنته .. ربنا يفرحهم يارب ….

أبدعت يا مهند كعادتك … ربنا يوفقك ويزيدك من فضله

نقول كل عام وانتو بالف خير

مَحَمّد — Wed, 11 Aug 2010 07:53:14 +0000

ده رابع رمضان يمر على المكان ده .. سبحان الله السنين طارت … وكالعادة هقضيه وحيدا … اهلي كلهم سافرو العمرة تلات اسابيع .. وبالتالي عودة مرة اخرى لحياة العزوبية .. خلاف نقطة وحيدة جديدة حصلت في حياتي الفترة اللي فاتت …ان ربنا كرمني ولقيت بنت الحلال اللي هكمل معاها بقية حياتي ان شاء الله .. طبعا ما زلنا في مرحلة الخطوبة .. ربنا يكرم ويتمم لنا على خير .

حبيت بس اقول كل عام وانتم بالف خير.. مبارك عليكم الشهر .. وربنا يتقبل منا ومنكم ..

في امان الله

من سنة فاتت

مَحَمّد — Wed, 16 Jun 2010 10:01:57 +0000

بالضبط من سنة فاتت كانت اليوم ده آخر عهدي بكليتنا الموقرة .. كلية الصيدلة… ارتحت من مسيرة 17 سنة دراسة وامتحانات… ده اول صيف يبدا معايا من غير امتحانات.. بس مخبيش عليكم.. اشتقت للجو ده…. جو الامتحانات والضغط والشعور بالحرية والفرحة بعد ما تخلص الامتحان .. حاجات حلوة كتير كانت في الفترة دي … بس خلاص بقى.. فترة وخلصت..

دخلنا في جو الحياة العملية الحمدلله وبدأنا اول خطوة في المشوار ده.. البداية كانت صعبة مشوشة وغير مستقرة ومازالت لغاية دلوقتي بس الحمدلله احسن من الاول … في امور كتيرة بقى لازم ابدا اخد فيها خطوة برضو بعد موضوع الشغل… اهمها اكمل دراساتي في مجال معين نفسي فيه… ( هتكلم عنه بالتفصيل ان شاء الله ) .. اسعى في موضوع الزواج ونكمل نص ديننا … ابدا على الاقل افكر في مشروعي اللي عاوز ابدا بيه بعد 10 سنين من دلوقتي ان شاء الله .. ان كان في العمر بقية .. حتى الان وضعي لم يستقر تماما.. محتاج شوية وقت وجهد .

بــــس … اللي خايف منه ومش عاوز أقع فيه.. الدوامة اللي بيدخل فيها كتير من البشر.. استلم وظيفة.. اتجوز.. وجاب اطفال.. يفضل بقى شغال يلف في الدوامة دي.. شغل واطفال وزوجة … طبعا ده لا عيب ولا حرام ولا عندي اي اعتراض عليه بالعكس شئ رائع وسنة الحياة … لكن…في حاجات تانية ممكن تتعمل .. حاجات اعملها لنفسي او لغيري.. الخيارات والمجالات كتيرة وفي كل حاجة!..عارف ان كتير مننا نفسه انه ميدخلش الدوامة دي لكن ضغوط الحياة بتجبر الواحد انه بتنازل عن احلام وطموحات كتير …عشان نعيش.

كانت فضفضة سريعة كده حبيت اطلع اللي جوايا… ان شاء الله السنة الجاية في نفس ذات اليوم ده افضفض برضو و أكون عملت اي حاجة من اللي بتمناها دلوقتي أو على الاقل بدأت فيها…

في أمان الله

كاس العالم .. طيب وبعدين

مَحَمّد — Fri, 11 Jun 2010 20:14:56 +0000

انا مش جاي اتكلم واقول الناس وكاس العالم و مهتمين بيه و ليه والكلام الكتير ده لانو مش هيغير حاجة … بس عاوز اتكلم في حاجة معينة بس…من اسبوع بالضبط كان الكل هايج ودمه حامي وبالذات في عم التويتر بتاعنا…عشان اسطول الحرية اللي كان متجه لغزة .. كلنا كنا شغالين نتكلم وندعي ونزعل من مواقف ناس ونفرح من مواقف ناس تانية و هيصة ملهاش اول من آخر ..

وفـــــجــأة !!! …. اده مين طفى النور؟؟

كلو اختفى.. في ظرف اسبوع زمن.. رجعنا نمنا تاني… العالم كله قام واتنرفز وشتم وندد وشجب … والخ الخ … وبعدين… اسرائيل نفذت اللي في دماغها.. احنا اخدنا فوق دماغنا… ورجعنا ساكتين تاني.. نفس الموضوع حصل السنة اللي فاتت لما انضربت غزة …وبعـــــديــن؟؟!!

شرفنا كاس العالم… الكل اتلهي .. الكل قعد يجري عشان يشتري بطاقات الجزيرة الرياضية عشان يتفرج .. غير اللي نزلو في القهاوي بتفرجو … غير اللي سافروا وراحو يتفرجو. وغير وغير .. . مش عيب ولا حرام .. والمشكلة مش في كاس العالم بـــس!!

.. حد فاكر غزة ؟؟ حد فاكر فلسطين؟؟ حد فاكر أصلا اسرائيل..؟؟؟؟

بننسى او نتناسى .. بنرجع نعمل نفسنا مش واخدين بالنا…طيب لغاية امتى… بنعلق عجزنا على شماعة الحكومات والحكام … انا مبقولش نقوم نهب نروح نطخ اسرائيل ولا نعمل مظاهرات ولا نصوت ولا نحرق كاوتشات واعلام … بس على الاقل..على الاقل

نفضل فاكرينها… مش حاجة صعبة …. نفضل نكتب عنها.. مش لازم تحصل مصيبة عشان نفتكرها… وانا وهبدا بنفسي ان شاء الله… على الاقل كل شهر لازم اكتب حاجة.. ان شاء الله كلمة فلسطين حاف.. بس نفتكرها…صورة شعر تدوينة..

ربنا ينصرهم ويثبتهم وويقويهم ويخزي عدونا و عدوهم

دي كانت حاجة كده على السريع.. …

في أمان الله

عدنا

مَحَمّد — Sun, 28 Feb 2010 21:58:51 +0000

من رحلة استمرت عشرة أيام إلى أرض الحرمين الشريفين … كنت في أمسّ الحاجة إليها .. واجهتني هذه الفترة ضغوط ومشاكل في عدة امور وكان لا بد من التوقف فترة لمراجعة النفس وتصفيتها… الابتعاد عن كل شئ كان هوا هدفي ولم اجد مكانا ألجأ إليه أفضل من بيت الله الحرام .. وبعد تشجيع ودعم من والديّ حفظهم الله قررت السفر فور فتح باب التأشيرات للعمرة.

الامور كانت ميسرة بفضل الله من كل النواحي.. بدأت الرحلة بمعشوقتي مدينة الرسول الكريم صلى الله عليه وسلم ..قضيت فيها 4 ايام … في رحاب الحرم النبوي والروضة الشريفة …يا الله كم احب هذا المكان !!1…

توجهت بعدها إلى مكة لأداء العمرة .. مكملا بقية الايام السبعة هناك …بفضل الله كانت هذه الفترة هادئة نوعا ما من ناحية الزوار فلم اعاني من الزحام او ما شابه ذلك .. كنت اقضي جل وقتي في الحرم .. وقليل منه في التمشية

طبعا استغللت هذه الفرصة لأقابل عدة أشخاص أقل ما يمكن أن يقال عنهم أنهم رائعون .. معظمهم من أهل المملكة العربية السعودية .. تربطني بهم علاقة انترنتية قوية جدا عن طريق موقع تويتر الشهير …

كانت البداية في المدينة المنورة مع المبدع والمبتكر أحمد العلولا وصاحب مدونة ابتكار … شخصية في قمة التواضع والذوق.. احببته كثيرا جدا

ثم في مكة قابلني بترحاب وكرم كبيرين الاخ نعمان مصمم ومطور المواقع .. وبعدها بعدة أيام قابلت الاخ المحامي الكبير شاكر السفياني .. وجلسنا قليلا في ديوانية نتناول القهوة العربي والتمر .. ثم قابلنا الاخ نعمان مرة اخرى مع مجموعة شباب اخرين في اجتماع مصممي الويب في مكة ..

بعد انتهاء الاجتماع جلسنا قليلا في المقهى مع شاكر في انتظار قدوم اخونا الكبير هاني السويهري حيث اصطحبنا في جولة جميلة حول مكة .. وكان عشاؤنا المطبق ( اكلة سعودية شعبية جميلة )

ختامها المسك كان بمقابلة الرائع عقبة … في اخر ليلة لي بمكة .. وكان معنا أيضا الرائع هاني السويهري.. جلسنا ساعات طويلة نتسامر في كل الامور

حقيقة اشكر هذا التويتر الذي جمعني بهذه الشخصيات الراقية … والذين قابلوني بحفاوة وكرم لم اكن أتخيلهمها … جزاكم الله كل خير

هناك تدوينة في المسودات عن تجربتي الشبكات الاجتماعية و وتويتر بشكل خاص سأنشرها عما قريب

هذا باختصار ما كانت عليه رحلتي الرائعة …. والشكر لله أولا وأخيرا على تيسيرها لي

في أمان الله

1 محرم 1431

مَحَمّد — Fri, 18 Dec 2009 10:01:16 +0000

انه تاريخ اليوم الهجري … وبداية سنة هجرية جديدة

كل عام وانت بخير وصحة وسلامة وعافية .. جعلها الله سنة خير وسعادة ويركة علينا وعلى المسلمين اجمعين

في أمان الله

حصلنا على لقب ( خالو ) أخيرا !!!

مَحَمّد — Mon, 26 Oct 2009 05:55:02 +0000

مرت الأيام سريعة منذ زواج اختي … فجر امس الأحد الموافق 25 من أكتوبر 2009.. ظهرت إلى النور بفضل الله تعالى ( آية ) ابنة اختي فاطمة .. جاءت بعد عناء ومعاناة تحملتها اختي بصبر كبير…

ولأول مرة أحصل على لقب خالو ..لا استطيع وصف مدى سعادتي بهذه الطفلة الرائعة … حفظها الله وبارك فيها

مبارك لكي اختي العزيزة هذا الملاك الرائع .. وتتربى في عزك ان شاء الله .. وعقبال ما نشوف اخواتها واخوانها :D

لا أدري هل ستكون هذه المدونة موجودة وقتها ام لا .. لكن أتمنى ان تقرأ هذه التدوينة عندما تكبر …

آية

البراءة

أنا هنا !!

مَحَمّد — Wed, 21 Oct 2009 13:15:08 +0000

نعم نعم … إنه أنا … حي أرزق … للأسف اخذتني عدة مشاغل هذه الفترة …

بفضل الله بدأنا الحياة العملية منذ فترة في تخصص جديد وفريد من نوعه … ساتحدث عنها لاحقا .. وبما أنني في بداية مشواري فضغط العمل زائد عن الحد .. نسأل الله العون

حاليا انا في فترة راحة اثر اصابة في قدمي أثناء لعب الكرة وبالتالي في اجازة من العمل!!

ادري اني اختفيت تماما وتقريبا فقدت نصف .. بل كل زواري لكن الامر خارج عن ارداتي

لي عودة مرة اخرى بمزيد من التفاصيل

في أمان الله

ونقول كل عام وانتم بألف خير

مَحَمّد — Sat, 22 Aug 2009 08:00:38 +0000

رمضان عاد ولكن هذه المرة بشكل مختلف عن كل عام .. الان رمضان أعود لأستمتع به هنا في الامارات مرة اخرى بعد غياب خمس سنوات … وسط الأهل والأصدقاء …طعم آخر لرمضان هنا ..

وحتى نعود …. أود أن اقول .. كل عام وانتم بالف خير … أعاده الله علينا وعليكم بالخير واليمن والبركات .

في أمان الله

مرحلة انتقالية

مَحَمّد — Fri, 07 Aug 2009 12:35:25 +0000

طالت فترة الغياب هذه المرة .. حاليا انا في مرحلة انتقالية … ٍسأغيب فترة اخرى إلى ان تستفر أموري تماما ان شاء الله

دعواتكم لي بالتوفيق